أول حاجه اقدر أقولها........أن هو اللى خلانى أكتب المدونة دى...من كتر ما خلانى أتكلم مع نفسى..زى ما هو اللى علمنى أزاى أبقى حقيقية.. زى ما علمنى ازاى أحب نفسى ....زى ماعلمنى ازاى أكون نفسى_ بغض النظر عن انى بفشل كتير فى الحاجات دى_ بس هو اللى علمهالى برضو...هو اللى زرع فيا أول كلمة حقيقية...عشان كدا مبقدرش مبفكرش فيه..بقا فى دماغى زى الهوا والميا بفكر فيه أول مااصحى واول ماأنام......................كل د كلام يمكن بيتكرر كتييييييييير بس مش بيبقى حقيقى كتير....عشان كدا مكنتش عايزه اقوله,..عشان هو مش زى اى حد مش لازم اتكلم عليه كلام اى حد.....بس الاحساس بالكلام ده مش زى ما حس بيه اى حد..عشان كدا قولته..........المشكلة بقا انى مش لاقيه أسم للى أنا فيه ده.....ساعات بفكر ان زى مااحساسى بيه محصلش قبل كدا..يمكن اسمه لسه متخلقش..اللى أنا حساه معاه ...مش عايزه حتى أسميه حب لأن حب دى كلمة متكرره برضو..مع أنها مش بتبقى حقيقيه كتير برضو...حالة غريبة أوى اللى هو عاملهالى دى...عشان كدا ولا هسميها حب ولا صداقة....يمكن هيا بين الاتنين..الله أعلم ......اللى انا حساه انى فى حالة جميله بس واللى حساه انى بدات أمثل حاجة بسيطة فى حياته ..عشان نتفق من الاول انها حاجه حلوة اللى بينا ..بس ملهاش أسم لحد دلوقتى...ساعات بحس موضوع ان ملهاش اسم ده حلو وساعات بحسه مش حلوحلو لانه مبيحجمش احساسنا بين مجرد حروف وخطوط فى سطور..بيسيب احساسنا حر..مبيخنقوش ..أنا بحس ان الموضوع ده بيخلى الحب يعيش أكتر....عشان على راى منير ..تحبسه يموت ولا غنا ولا صوت.......سيبت الاحساس اللى بينا حر من غير حروف...عشان يعيش فتره أطول ..بس ساعات بحس انه مش حلو..لان (_ أنا _ اللى جوايا اللى شبه الناس اللى حواليا)..لما بتسالنى انتى مبتحبيش ده ليه أو بترفضى ده ليه..مبعرفش أقولها عشان بحب ده ...ولا بعرف أقولها عشان فى صداقه بينا..ولا هى بتقتنع ان فى حاجة..رغم أنى مقتنعة انها غلط..بس مش قادرة أقنعها عشان هى مخها صغير.....ولا أنتو رأيكو أسيبها براحتها ومليش دعو بيها.؟........مانا بسيبها كتيرر ومبسمعلهاش..بس اللى حواليا برضو بيخلونى أتأثر بيها...لما تلاقى نفسك اللى انتى مش عيزاها شبههم ومتوافقه معاهم ونفسك اللى انتى عيزاها مش بتاعتهم خالص...هتقعدى تتخانقى مع نفسك كل ثانيه عشان تكونى نفسك اللى انتى عيزاها ..بس هتتعبى..من كتر ماانتى كدا..وممكن ساعات تخضعى لآراء نفسك اللى انتى مش عيزاها....رغما عنك....وعموما يعنى..أنا بحاول أثبت أقدام نفسى اللى انا عيزاها أكتر عشان مهما _ نفسى اللى انا مش عيزاها قالتلى حاجه متأثرش بيها_...وياررب عقبال ما يبقى للحاجه اللى بينا أسم..بس ميبقلهاش حدود ولا سور..ولا نهايات......نلتقى فى الجزء التالى فى وقت لاحق............
ليست هناك تعليقات:
إرسال تعليق