هو المفروض أفهم اللى أنا فهمته..ولا مفروض أفهم اللى انا مش عايزه أفهمه......ولا اللى مش قادرة أفهمه..اللى متأكده منه بس..انه مهما كان ومهما حصل ..ان ده الوضع الطبيعى بالنسبة ليا ..حتى لو كان الوضع ده بيألمنى...فهو جزائىلأنى كنت عارفه مرضى ايه هو...ومخدتش العلااااج.ماهو أصل لو كان للموضوع ده فرامل كان زمانى شدتها علطوول قبل ما ألبس فى الحيطة ..بس أنا عارفه نفسى كويس ...ومع ذلك تجاهلت اللى أنا عرفاه..وتجاهلت اللى أنا عارفه انه هيحصل..من الآخر أستعبطت...بس الحاجه الحلوه فى الموضوع ..هى انى اتأكدت من الحاجة الغلط دى أنها جوايا...دلوقتى مبقاليش حجة مصدقهاش..وأتجاهلهاا.._ مع انى عارفه انى برضو مفيش فايده فيا _ بس الخطوه الأولى الحلوه انى اكتشفت الحاجة الغلط دى..مش مشكله المشكله اللى عندى دى...المهم انى أتـأكدت أنها فعلا مشكلة...على قد ماانا متغاظه من نفسى..على قد مانا مرتاحه انى فهمت جزء جديد فيها...عشان أعرف أتأقلم معاها..ومعاملهاش بعد كدا كأنها طبيعيه..أصل كل الموضووووووع..انى كنت مقتنعه انى خياليه جداوبعديييين جاتلى فتره مبقتش عاوزه أصدق الموضوع دهمع انى مصدقه كدا اوىوقعدت أقول لنفسى..أنى بدل عارفه انى خياليه..طب ما أحلم براحتى...بس مصدقش حلمى..عادى ألعب مع نفسى يعنى......أرسم نفسى جوا قصة وأصدق أنى فيها..وأعيش جواهاا..أصل أنا من هواة الحياة بداخل القصص الخياليه..أختارلى قصة...وأمسك طرفها...وأفضل أغزل باقيتها فى عالمى الآخرلحد ما القصة كبرت منى...و.مبقتش عارفه انا جواها ولا براهااااوبدأت أتلغبط.....................وبدأت أصدق انى جواهااااا وفى نفس الوقت عارفه انى مش فيها...ومش قادره أقنع نفسى بكدا..ولا قادره أخرج منها...القصة والحقيقة عندى ساحووا على بعض..مبقتش عارفه أفرق بينهم...ألفت قصه وصدقتها...وأتعاملت معاها على انها حقيقية..طبيعى أوى فى الآخر الحقيقة اللى تبقى..طبيعى أوى أقوم من النوم مفزوعة ...بعد حلم صدقت أنى فيه وقلب بكابوسطبيعى بعد مااأفوق شويه وأقعد أعيط..أتعب ..وأنام تانى ..وأحلم حلم جديد..وأعيش فى قصة جديدة...وأصدقها ...وأقوم من النوم مفزوعة برضو.....وهكذااااطبيعى دموع عينيا ترفض انها تنزل...فهمت ليه دلوقتى..لأنها كانت أصدق منى....عرفت تفرق بين الحقيقة والخيال..........وانا معرفتش....!بس المشكلة الحقيقة ..أنا نفسى وعارفه عيبهاانما كل الناس اللى جندتهم معايا فى القصه الخياليه دى..هيقَــدرو خيالى التعبان ده..؟وهيعذرو خيالى اللى خلانى أتعامل معاهم بالطريقه دى؟..هيعذرو انى دخلتهم معايا فى قصص ملهمش دعوة بيها..ولا ليهم علاقة بيها غير أنهم يعرفونى؟هو خيالى مشكلتى طول عمرى.....مبيهداااااش الا اما يشوف نهايات ....والنهايات للأسف بتكون حقيقة مبتكونش نهايات أفلام...
ليست هناك تعليقات:
إرسال تعليق