الوقت اللى بحس فيه إنى لازم أكتب ..عشان أسجل اليوم قبل ما يمشى ...عشان انا ايامى غاليه..ولازم اسجل اللى حصل فيها
ومحدش هيحس بغلاوتها غيرى ولا هيوصل غلاوتها للناس غيرى...لازم اتكلم ...
بأى لغه وبأى لهجة وبأى حروف وبأى كلمات..
أنهارده كان يوم حلو...كان عندى امتحان تاريخ..
رغم انى ببقى مذاكرة بس القلق بيخلينى احس انى مش مذاكرة ومهما ذاكرت مش هحل ...ولو فى حاجه نقصانى ..خلاص انا مش نافعه..
بصراحة معرفش ده قلق ..ولا عدم ثقة بالنفس
بس اللى اعرف بجد انى مش واثقة فى نفسى...
خايفة اثق فيها تخدعنى!!!
...
أنا قاسية ف أحكامى مع نفسى ...مش زى الناس ..اللى بخترعلهم أعذار......
يمكن عشان خايفة أتساهل معاها !
عشان خايفه لو اتساهلت تعمل حاجات تخوفنى اكتر!
مش عارفة ...
أجدع كلمة ممكن اقولها لما اكسل افكر انا ايه بالظبط
أنا كنت فرحانة من شوية ..بس أمتعت نفسى بمتعة رخيصة
أنا حلمت!
حلم لا يمكن يتحقق
كأنى بزق قطر فى الاتجاه المعاكس...وبتخيل ان بيمشى معايا
بس هو مبيمشيش
طبيعى مش هحس بالتعب اللى عملته لنفسى الا اما افقو من الحلم
وده اللى حصل
اللحظة اللى كنت هقضيها مع نفسى ...أسرح مع نفسى أنضفها.
سرقتها انت منى
قعدت احلم بيك لانك واحشنى!
مع انى متدايقة
والوقت خلص
خلاص
مينفعش
اقعد مع نفسى تانى
انهارده
لما اتدايقت
اكتشفت اد ايه انا غاليه عندى
واد ايه انت فرقت بينى وبين نفسى
والوقت اللى كنت بقعد معاها فيه سرقته منها
اانا لازم ارجعلها
واحبها زى مابتحبنى........
عشان هى اكتر واحدة بتتوجع لما بتوجع
مش زيك ناسينى ..او حتى لو افتكرت عمرك ماهتوصل ويبقى خوفك عليا اد خوفى على نفسى
او الله اعلم
معرفش
..بس مش حاسه منك حاجه حلوة تخلينى اكمل حلم حلو معاك
يا خسارة ..
ويارب افوق واقتنع بسرعه
..عشان مزعلنيش اكتر من كده
ليست هناك تعليقات:
إرسال تعليق